Føroyski landsliðsmálverjin, Annika Fríðheim Petersen hevur aftur skrivað føroyska hondbóltssøgu.
Hon verður fyrsti føroyski landsliðsleikarin nakrantíð, ið skal spæla eina finalu í einari evropeiskari Final Four kapping.
Liðið hjá Anniku, Nykøbing Falster vann í hálvfinaluni í Graz í Týsklandi á týska liðnum, Dortmund sum var favorittur hjá veddingarfyritøkunum.
Nykøbing Falster vann 35-33 aftaná longda leiktið og brotskastskapping.
Í fyrra hálvleiki var Dortmund greitt omaná og var støðan 17-13 til Dortmund í steðginum. Nykøbing avrikaði framúr í seinna hálvleiki, serliga í verjupartinum. Tá 60 minuttir vóru farnir stóð á jøvnum 29-29. Aftaná longda leiktíð stóð á jøvnum 32-32, men í brotskastskappingini var Nykøbing Falster omaná og skoraði upp á trý brotskøst, meðan Dortmund bert skoraði upp á eitt brotskast. Kappingarneytin hjá Anniku, Cecilie Greve bjargaði trimum brotskøstum og gjørdist tann stóra hetjan hjá Nykøbing Falster.
BVB-Dortmund-Nykøbing Falster 33-35 (32-22 - 29-29 - 16-12) - Hálvfinala í Final Four í EHF European League
BVB Dortmund : Dana Bleckmann 7, Anna Hausherr 6, Zoe Sprengers 5, Alina Grijseels 4, Lisa Antl 3, Meret Ossenkopp 3, Frida Ronning 3, Maraike Kusian 2.
Nykøbing Falster : Mia Svele 10, Elma Halilcevic 7, Sofie Flader 5, Alberte Madsen 4, Sofie Olsen 4, Nikita Van Der Vliet 4, Marie Sajka 1.
Cecilie Greve bjargaði 9/30 = 30 % - Annika Fríðheim Petersen bjargaði 2/12 = 16,67 %
Í finaluni møtir Nykøbing Falster einum øðrum donskum liði, Ikast-Herning sum vann greiðan 31-26 (17-10) sigur á týska liðnum, Thüringer.
Finalan í Final Four í Graz í Eysturríki verður leikt klokkan 17 í morgin.
