Hamas og Islamiskt jihad siga seinnapartin í dag, at tey fara at leyslata 29 ára gomlu, Arbel Yehoud, næsta fríggjadag - ella dagin fyri næsta fangabýti millum partarnar.
Tað veit ísraelska ávísin, Haaretz, at siga í dag, og tað er tíðindastovan NTB, sum endurgevur.
Upprunaliga varð væntað, at sivila, Arbel Yehoud, skuldi leyslatast av Hamas leygardagin - í gjár - men tað hendi ikki. Ístaðin vórðu fýra ísraelsk herfólk leyslatin.
Ein talsmaður fyri ísraelska herin (IDF) skuldsetti Hamas í gjár fyri brot á eina avgerð í vápnahvíldaravtaluni um, at sivilir gíslar skulu leyslatast fyrst.
Men, í dag siga bæði Hamas og islamskt jihad sambært NTB, at Arbel Yehoud verður leyslatin næsta fríggjadag.
