Arsenal stevnir móti meistaraheitinum

Fult umfar hevur verið í Premier League um vikuskiftið. Við sigri í kvøld er Arsenal nú átta stig frammanfyri Manchester City og stórfavorittur at vinna Premier League, fyri fyrstu ferð síðani 2004.

Arsenal spældi í kvøld grannauppgerð móti Tottenham og vann 2-0. Fyrsta málið var eitt sjálvmál frá Hugo Lloris, sum endaði við at beina at spíkst skot í egið mál eftir eitt lítið korter. Hetta setti ferð á Arsenal, sum líka skuldi fóta sær eftir fyrstu minuttirnar.

At Arsenal er á meistarakós sást, tá Martin Ødegaard sendi bóltin í máli við skotið uttanfyri brotsteigin. Tá vóru 36 minuttir farin av dystinum móti arvafíggindanum á útivølli, og Arsenal hevði longu vunnu sær greiða leiðslu.

Tottenham royndi at svara aftur seint í seinna hálvleiki, men inn vildi bólturin ikki. Arsenal tykist hava tað, sum eitt meistaralið skal hava. Eina sterka verju, málskjúttar í øllum ketum og eitt vet av hepni, tá tað stendur mest á. Arsenal skal komandi vikuskiftið spæla móti Manchester United, sum er í stórformi.

Chelsea vann fyrr í dag 1-0 á Crystal Palace við máli frá Kai Havertz. Newcastle er á Champions League kós við 1-0 sigri á Fulham. Fulham fekk annars eitt brotsspark, sum Aleksandar Mitrovic sendi í málið, men tað bleiv kolldømt, tí áleyparin gleið og rakti bóltin tvær ferðir, áðrenn bólturin fór í málið.