Í hvussu so er atkvøðugreiðslur um tvey umstrídd mál eru á skránni hjá Løgtinginum í dag. Tvey mál eru um fosturtøku. Annað uppskot frá landsstýrismanninum, Bjarna Kárason Petersen, um fría fosturtøku til og við 12. viku og hitta frá Miðflokkinum um at verja ófødda barnið.
Ógreitt er, hvørja lagnu tað fyrra uppskot fær. Ongantíð áður hevur eitt slíkt uppskot havt nakran møguleika, men kanska er rætta løtan júst nú. Í øllum førum tykist, at tað kann vera ein meiriluti fyri, men hann verður tepur – og tað kann fara báðar vegur.
Annað mál er lønarlyftið til tingfólk. Hetta málið hevur tikið eina heldur sjáldsama vend. Talan var um pakka við ymsum broytingum, sum ein nevnd hevur gjørt fyri formansskapin í Løgtinginum.
Í stórum snýr tað seg um at taka av gyltu pensjónina hjá tingfólki, sum tjena sær rætt til fulla tænastumannaeftirløn upp á 16 ár. Afturfyri at »missa« í pensjón, skjýtur nevndin upp, at tey »fáa« meira oman á lønina.
Men formansskapurin broytt hetta í uppskotinum, sum varð lagt fyri tingið. Har verður mælt til, at lønin hjá tingfólki ikki verður broytt.
Men í grein 25 nevndini, sum hevur viðgjørt málið, er kortini meiriluti fyri at hækka lønina hjá tingfólki. Og tað eru júst teir flokkarnir, sum annars eru ímóti lønarlyftini, sum landsstýrið hevur latið ávísum láglønarbólkum, sum eru fyri lønarlyftinum til tingfólk - og so Framsókn úr samgonguni afturat.
Beinir Johannesen úr Fólkaflokkinum, Sólvit E. Nolsø úr Framsókn, Johan Dahl úr Sambandsflokkinum og Stefan Klein Poulsen úr Miðflokkinum mæla til at tingfólk fáa eitt lønarlyft úr 34. upp í 36. lønarflokk hjá tænastumonnum, sum svarar til 6.700 krónur um mánaðin. Tað vil siga, at lønin hækkar úr 46.373 krónum um mánaðin upp í 53.058 krónur um mánaðin.
Ógreitt er, um hesir fýra tingmenn hava øll í flokkum sínum aftan fyri seg. Hava teir tað, so verður málið samtykt, og so fáa tingfólk størsta lønarlyftið, sum tað almenna gevur einum ávísum starvsbólki – í hesum førum ikki júst einum láglønarbólki.
Skráin til tingfundin í dag klokkan 10 er annars hendan:
|
|
Munnligir fyrispurningar | |
|
2 | ||
|
3 | ||
|
4 | ||
|
5 | ||
|
6 | ||
|
7 | ||
|
8 |
2. viðgerð LM-088/2023 - Uppskot til løgtingslóg um fosturtøku (Fosturtøkulógin) | |
|
9 |
2. viðgerð LM-112/2023 - Uppskot til løgtingslóg um at verja ófødda barnið | |
|
10 | ||
|
11 |
2. viðgerð LM-108/2023 - Uppskot til løgtingslóg um samsýning og eftirløn til løgtingsfólk | |
|
12 |
2. viðgerð LM-114/2023 - Uppskot til samtyktar um játtanarkarmar á løgtingsfíggjarlógini fyri 2025 | |
|
13 |
Framløga | |
|
Viðmerkingar |
LM nr. 107 og 108 verða viðgjørd undir einum | |
