Avgreitt - 3: Lættari hjá føroyskum listafólki at hava framsýning í Danmark

Ein sokallað trygdarveðseting fyri fyribils innflutningi av list til framsýning hevur havt við sær, at tað hevur verið óneyðuga tvørligt og dýrt hjá føroyskum listafólki at sýna sína list fram í Danmark. Tey hava ikki kunna flutt sína list til Danmarkar uttan at skulað rindað fyri hesa trygdarveðseting.

 

Eftir áheitan fór Javnaðarflokkurin í holt við málið. Tað tók drúgva tíð og fleiri tingingar við danska skattamálaráðharran, men í juli 2022 varð lógin broytt soleiðis, at tað verður nógv lættari hjá føroyskum listafólki at hava framsýning í Danmark.