Tað er nú staðfest, at tað vóru tvey donsk børn, sum vórðu funnin deyð í einum uppkolaðum bili nakað vestan fyri Berlin í gjár. Bilurin hevði danskar nummarplátur.
Danska løgreglan sigur, at talan er um tvær systrar, sum vóru níggju og tíggju ára gamlar. Pápi teirra varð fluttur á sjúkrahús við ógvusligum brunasárum. Hann er so mikið illa fyri, at løgreglan hevur ikki kunnað avhoyrt hann enn.
Týska løgreglan roynir nú at fáa staðfest, um talan er um eina vanlukku ella eina brotsgerð.
