KÍ og B36 eru framvegis liðini, sum eru undir niðurflytingar strikuni í næstbestu fótbóltsdeildini.
Seint seinnapartin vitjaði KÍ í Gundadali, og úrslitið varð 2-2, eftir at tað eftir fyrra umfarið hevði staðið á jøvnum 1-1.
Í 11. minutti legði Kristian Andreasen KÍ á odda. Tá ið lítil hálvur tími var farin javnaði Sigurd Carlsen, og miðskeiðis í 2. hálvleiki legði Kristian í Garði B36 framum 2-1.
Henda støðan helt sær, inntil í síðstu løtu. Tá javnaði KÍ til 2-2. Málskjútti var enn eina ferð Kristian Andreasen, sum varð spældur leysur av KÍ liðformanninum John Hammer.
B36 er aftast við 4 stigum, og KÍ er næstaftast við 7 stigum.
