Seinasta umfarið í 2. deild hjá monnum var eisini á skránni í dag.
Oddaliðið B36 staðfesti oddasessin við einum knúsandi 10-0 sigri á Royn, sum má tungu leiðina niður í 3. deild komandi kappingarár. Longu í steðginum var støðan 6-0 til B36
Kravið til Giza/Hoyvík at yvirhála TB á øðrum plássi, var at Giza/Hoyvík vann við 18 málum ímóti ÍF á niðari vølli í Gundadali. Talan gjørdist um ein 8-2 sigur til Giza/Hoyvík. Støðan í hálvleikinum var 3-0 til Giza/Hoyvík
Undrið vann 4-2 á FC Suðuroy, og AB vann 8-0 á Skála. 07 Vestur hevur tikið sítt lið úr kappingini. Tí sat TB yvir í dag, men 2. plássið var veruliga ongantíð í vanda hjá tvørámonnum í dag.
Tó verður ongin uppflyting hjá TB, um TB ikki verður omanfyri niðurflytingarstrikuna í effodeildini. Spælararnir hjá Giza/Hoyvík seta sína vón til, at B68 kann yvirliva í effodeildini, so Giza/Hoyvík kann flyta upp í næstbestu deildina.
Niðast á síðuni ber til at hoyra eina samrøðu við Dan Brimsvík, venjara hjá 2. deildarliðnum hjá B36. Dan Brimsvík er eisini venjari hjá U 18 liðnum hjá B36, sum hevur vunnið silvur í landskappingini og gull í steypakappingini. (mynd: www.b36.fo)
Endaliga støðan í 2. deild aftaná 18 umfør
1. B36 43 stig
2. TB 40 stig (+ 43 mál)
------------------------------------
3. Giza/Hoyvík 40 stig (+ 31 stig)
4. Undrið 37 stig
5. FC Suðuroy 23 stig
6. AB 22 stig
7. ÍF 18 stig
8. Skála 18 stig
--------------------------------
9. Royn 17 stig
10. 07 Vestur 0 stig (hava tikið liðið úr kappingini)
