Tað var ikki ein góður dagur fyri føroyingaliðini í bestu íslendsku fótbóltsdeildini ígjár.
Kaj Leo í Bartalsstovu og liðfelagarnir í Vali mistu oddasessin til Víking Reykjavík, tá teir taptu 1-2 fyri Stjørnuni. Kaj Leo fekk gult kort longu í øðrum minutti fyri at hála mótstøðumann niður, og hann var skiftur út tá sjey minuttir vóru farnir av seinna hálvleiki.
Rasmus Christiansen legði Val á odda 1-0 tá ein lítlur hálvur tími var spældur. Stjarnan skoraði tvey mál fyrstu fimm minuttirnar av seinna hálvleiki, og teir hildu leiðsluni til seinasta bríksl.
Komandi sunnudag skal Valur til Akureyrar at spæla móti KA.
Gunnar Nielsen vardi málið hjá FH, ið tapti 0-2 fyri Víkingi Reykjavík á útivølli. Sambært Morgunblaðnum bjargaði Gunnar nógvum atsóknum, men hann kundi ikki forða Nikolaj Hansen at skora fyri Víking í 27. og í 85. minutti.
Mikukvøldið tekur FH móti Stjørnuni á heimavølli.
Støðan:
LIÐ: | |||
Víkingur Reykjavík | 8 dystir | 14:6 | 18 stig |
Valur | 8 dystir | 14:9 | 17 stig |
KA | 6 | 11:3 | 13 |
Breiðablik | 7 | 16:10 | 13 |
KR | 7 | 12:9 | 11 |
FH | 7 dystir | 12:9 | 10 stig |
Leiknir R. | 7 | 9:10 | 8 |
Fylkir | 8 | 10:15 | 7 |
HK | 7 | 9:13 | 6 |
Stjarnan | 8 | 5:12 | 6 |
ÍA | 7 | 8:15 | 5 |
Keflavík | 6 | 6:15 | 3 |