Helmingurin av dystunum í fimta og næstseinasta umfari í bólkaspælinum í Champions League hava verið í dag. FC Barcelona slapp ikki av pínibonkinum og skal nú helst vinna í Týsklandi móti Bayern Munchen í seinasta umfari, fyri at sleppa víðari.
Bólkur E:
Bayern Munchen er víðari sum nummar eitt við sigri á Dynamo Kiev. Robert Lewandowski var á máltalvuni. FC Barcelona megnaði ikki at skora móti Benfica, men tað kundi endað heilt galið, tá Benfica fekk helst størsta møguleikan í dystinum í yvirtíðini.
FC Barcelona – Benfica 0-0
Dynamo Kiev – Bayern Munchen 1-2
Støðan:
- Bayern Munchen 15 (stig)
- FC Barcelona 7
- Benfica 5
- Dynamo Kiev 1
Bólkur F:
Manchester United er víðari við sigri í Spania, meðan Atalanta bara fekk javnleik móti Young Boys. Nú skal Atalanta vinna á Villarreal í seinasta umfarinum.
Villarreal – Manchester United 0-2
Young Boys – Atalanta 3-3
Støðan:
- Manchester United 10
- Villarreal 7
- Atalanta 6
- Young Boys 4
Bólkur G:
Her er spenningurin varðveittur, tí øll liðini kunnu koma víðari. Bæði tey lægru á stigatalvuni vunnu ig nú kunnu øll koma víðari undan seinasta umfarinum.
Lille – Salzburg 1-0
Sevilla – Wolfsburg 2-0
Støðan:
- Lille 8
- Salzburg 7
- Sevilla 6
- Wolfsburg 5
Bólkur H:
Chelsea hevur við knúsandi 4-0 sigri á Juventus staðfest, at verandi vinnararnir av kappingini eru til reiðar at verja steypið. Malmø fekk sítt fyrsta stig á heimavølli móti Zenit.
Chelsea – Juventus 4-0
Malmø – Zenit 1-1
Støðan:
- Chelsea 12
- Juventus 12
- Zenit 4
- Malmø 1