Á Fiskamarknaði Føroya vita tey at siga, at bert eitt línuskip eru til fiskiskap undir Føroyum í løtuni. Skipið fiskar longu og brosmu og kemur helst inn at landa síðst í næstu viku.
Eitt línuskip er við Eysturgrønland og fiskar tosk, men ætlandi landar hetta skipið í Íslandi, tá hesin fyrsti túrurin er lokin.
In.fo kann leggja aftrat, at føroyska línuskipið, sum í løtuni er í Eysturgrønlandi, er Sandshavið.
Restin av línuflotanum antin pussar upp ella ger klárt at fara til Eysturgrønlands.
- Streymurin verður góður fyrst í næstu viku, men harðnar, sum vikan gongur. Veðrið verður gott, men vit vænta ikki nógvan útróður, siga tey á Fiskamarknaði Føroya.
