Trý føroyingalið vóru í leiki í bestu íslendsku hondbóltsdeildini í dag. Harímillum var ein føroyingauppgerð.
Liðið hjá Bjarna í Selvindi og Allani Norðberg, Valur tók á heimavølli móti liðnum hjá Halli Arasyni og Sveini Olafssyni, Afturelding.
Afturelding sigraði 34-31. Hallur Arason gjørdi sítt við at skjóta seks mál, og harvið vera næstbesti málskjúttin hjá Afturelding í kvøld.
Tað var tó Bjarni í Selvindi, ið gjørdi mest vart við seg, serliga í fyrra hálvleiki. Bjarni var stórskjútti við heili 11 málum.
Aftaná tvey umfør hevur Afturelding tvey stig og Valur eitt stig.
Stjarnan við Jóhannes Bjørgvin á liðnum spældi í kvøld útidyst móti ÍBV úti á Heimaey.
ÍBV vann dystin 33-31. Í steðginum var ÍBV á odda 18-16.
Jóhannes skoraði tvey mál fyri Stjörnuna í kvøld.
Stjarnan hevur tvey stig fyri tveir dystir.
Komandi hóskvøld klokkan 20.30 verður aftur føroyingauppgerð. Tá tekur Stjarnan móti Vali á heimavølli.
Komandi fríggjakvøld klokkan 18 tekur Afturelding móti KA á heimavølli.
##med2##
##med3##
