Heimasíða Starvsmannafelagsins sigur soleiðis:
Blokadufyriskipararnir økja nú um virksemið fyri at vísa á ónøgdina við intiativhugin hjá
landsstýrismanninum í fíggjarmálum.
Í nátt, mánanáttina, verður tunnnilin millum Kaldbaksbotn og Signabø stongdur. Hetta siga nýggjastu tíðindini
í húsinum og talan er ikki um tíðindi frá landsverkfrøðinginum. Nei, boðini eru frá limum í
Starvsmannafelagnum, sum halda tað vera nógv fyri, at alsamt størri ignoransa verður sýnd frá almennari
síðu.
Blokadufyriskipararnir hava gjørt av, at forðast skal fyri ferðslu gjøgnum bergholið. Og tí verða tríggjar
broytir - gravimaskinir - settar at blokera við tunnilsmunnarnar. Nær tiltakið verður sett í verk í nátt vilja tey
ikki siga, men tað man fara at verða skjótt (klokkan er nú 23.35).
Og so má landsstýrismaðurin fara aðrar vegir - um hann yvirhøvur ætlar sær suður í morgin?
Hesi tíðindi benda á, at limir Starvsmannafelagsins, nú páskini eru í hondum, eru farnir at ótolnast.
