- Vit kunnu ikki fyrihalda okkum líkaglað til fólkamorðið, sum Ísrael fremur í Gazageiranum - tey tilvildarligu drápini á ósek og nýtsluna av svøltan sum krígsvápn.
Tað sigur brasilski forsetin, Lula da Silva, á BRICS-toppfundinum, sum er í Rio de Janeiro í dag, og sum heldur fram í morgin.
BRICS-londini eru savnað í brasilska stórbýnum á toppfundi.
Hvørki kinesiski forsetin, Xi Jinping ella russiski forsetin, Vladimir Putin, eru fysiskt við á ráðstevnuni, men teir luttaka á netinum, verður sagt.
Altjóða revsirættardómstólurin, ICC. hevur sent út handtøkuboð av russiska forsetanum fyri krígsbrotsverk í Ukraina, og Brasilia er limur í ICC.
Tískil hevur Brasilia bundið seg til at handtaka Vladimir Putin, um hann kemur til landið, veit tíðindastovan NTB at siga í dag.
BRICS-londini vóru, sum styttingin sigur, Brasilia, Rusland, India, Kina og Suðurafrika.
Í fjør varð BRICS-samstarvið víðkað til eisini at fevna um Egyptaland, Etiopia, Indonesia, Iran, Saudiarabia og Sameindu Arabisku Emiratini.
