Burn: VÍF vann á Kyndli og StÍF vann á Neistanum

Tveir dystir vóru leiktir í Burn Mansdeildini í kvøld. 

Í høllini á Hálsi í Havn eydnaðist tað oddaliðnum, VÍF at vinna 26-22 á Kyndli. Í steðginum vóru vestmenningar á odda 15-13.

William Skovsager og David Edvardsen vóru toppskjúttar hjá Kyndli við fimm málum hvør. Hallur Arason var við átta málum toppskjútti hjá VÍF.

Í høllini á Skála vann StÍF 32-28 á Neistanum. Í steðginum var støðan javnleikur 14-14.

Tá 44 minuttir vóru leiktir var støðan javnleikur 22-22. Tá eydnaðist StÍF at koma framum 26-22. Eftir hetta eydnaðist strandingum at halda munin.

Trúgvi Hávardsson var toppskjútti hjá StÍF við sjey málum. Tróndur J. Kragesteen var toppskjútti hjá Neistanum við átta málum.

Í morgin klokkan 14 spæla H71 og Team Klaksvík í Hoyvíkshøllini. 

HER ber til at síggja dómaraseðilin hjá HSF frá dystinum millum Kyndil og VÍF:

##med2## 

HER ber til at síggja dómaraseðilin hjá HSF frá dystinum millum StÍF og Neistan: 

##med3##