Løgtingið er í løtuni við 2. viðgerð av uppskotinum til samtyktar um játtanarkarmar fyri komandi árini.
Í uppskotinum stendur, at bygnaðarliga hallið framvegis er í føroyska búskapinum. Tað verður mett til á leið til umleið 150 milljónir krónur.
Fíggjarmálaráðið sigur í viðmerkingunum til uppskotið, at hetta er ein trupulleiki, sum má loysast. Millum 40 og 50 milljónir krónur mugu sparast um árið.
Ruth Vang, formaður í fíggjarnevndini, legði álitið frá meirlutanum í fíggjarnevndini fram. Hon vísti á, at gongdin er góð í føroyska búskapinum. Bárður Nielsen, Sambandsflokkurin, vísti á, at í bestu inntøkutíðum brúka vit framvegis ov nógvar pengar.
Hann segði, at avbjóðingarnar eru stórar, tí má búskapurin stýrast við harðari hond.
