Og tað almenna svíkur eisini, tá lógir verða gjørdar, sum ikki umfata veikar borgarar. Her er lógin um at veita stuðul til sálarhálp eitt grovt dømi. Hendan røkkur ikki børnum og ungum yngri enn 15 ár, men bert borgarum frá 15- 25 ár. Og hetta er, hóast sálarlæknar og sálarfrøðingar frá byrjan av heittu á politiska myndugleikan um at orða lógartekstin so, at børn frá ár 0 vórðu fevnd av henni, tí: ”sálarsjúkur raka allar aldrar og mugu finnast og viðgerast frá degi eitt- og ikki frá árinum 15.”
Hvat ger Miðflokkurin við hesar trupulleikar?
Jú- Miðflokkurin lovar, at verða vit partur av Býráðunum, har vit stilla upp, t.e. í Klaksvík og Havnini, vilja vit virka fyri at tryggja børnum og ungum fullan stuðul til sálarliga hjálp, frá fyrsta degi teimum tørvar hesa. Vil landið ikki veita neyðuga stuðulin, so skal kommuna teirra binda seg til at veita hendan!
Og Miðflokkurin lovar, at vit, aftur og aftur, bæði í landspolitikki og býráðspolitikki, av øllum alvi fara at tala at og virka fyri, at onki barn og ongin ungur føroyingur verður tvangsfluttur heiman, uttan at hetta læknaliga verður mett livs- og bráneyðugt!
Vegna Miðflokkin,
Jenis av Rana,
Formaður Miðfloksins- og valevni til Býráðið í Havn
##med2##
ps: longu komandi hósdag verður uppskot frá Miðflokkinum, um fíggjarligt ískoyti til persónar í aldrinum 0 til 25 ár til sálarfrøðiliga viðgerð hjá privatstarvandi sálarfrøðingi, viðgjørt á Løgtingi. Hetta er ein roynd at fáa tað almenna at veita stuðul frá degi eitt, soleiðis sum sálarlæknar og sálarfrøðingar mæltu til. Til hetta vónandi verður samtykt og sett í verk, fara vit sum nevnt at virka fyri, at kommunan hja tí sjúka veitir neyðuga stuðulin.
