Um vikuskiftið læt nýggj kaffistova upp á Sandi, Café 58, sum hjúnini, Jacobina og Finnleif Fagradal, eiga og reka.
- Hjartans tøkk øll, ið komu á gátt. Vit gleða okkum til, at fleiri gestir fara at støkka inn á gólvið komandi tíðina.
Soleiðis siga tey á Facebook-vanganum hjá nýggju kafé'ini, sum heldur til í bygninginum, har Posta var.
Her eru góð parkeringsviðurskifti, og tí er lætt hjá viðskiftafólki at støkka inn á gólvið á Café 58.
Á Sandi var nógv fólk farna vikuskiftið. Her var víkingafestivalur, sum savnaði fitt av fólki, og veðrið var gott.
Sandur hevur bæði matvøruhandilin, Eldús og Kioskina á Bakarínum.
Nú kunnu fólk eisini vitja á Café 58, eins og høvi er at vitja á Retro, sum nú hevur verið opin í eina tíð á Sandi.
Myndina av kafé'ini ovast í greinini tóku vit í gjár, og myndirnar her niðanfyri eigur Café 58.
##med2##
##med3##
