Herfyri sigldi eitt farmaskip seg fast nærindis landi í Chili.
Hetta var skipið Isla Tautil, sum var lastað við 2000 tonsum av fiskafóðuri og 40.000 litrum av brenniolju.
Vandi var fyri, at hol kundi koma á skipið, so olja fór at leka úr, men sum dagarnir gingu, eydnaðist tað at bjarga skipinum.
Á flóðini fríggjadagin varð skipið hálað av aftur, og sambært iLaks gekk átakið væl. Tá hevði Isla Tautil staðið fast í trý samdøgur.
##med2##
Hendingin fór fram í Sarmiento-kanaluni í Patagonia har suðuri í Chili, og kanningar vísa, at eingin dálking hevur verið.
Eingin mansskaði hendi og manningin, sum taldi 12, var umborð á skipinum, meðan tað stóð.
iLaks skrivar, at skipið nú liggur fyri akkeri. Skrokkurin skal kannast nærri, og helst skulu onkrar smærri umvælingar gerast.
##med3##
