Andrias Edmundsson var sum við á liðnum hjá Chojniczanka, ið spældi dyst á heimavølli í triðbestu pólsku fótbóltsdeildini í dag. 

Chojniczanka hevði eina lítla favorittstøðu móti Polonia Bytom í dag, men tað gekk av skriðuni.

Polonia Bytom vann stórsigur 4-1 á Chojniczanka. Bytom var á odda 1-0 í steðginum.

Ikki fyrrenn 85 minuttir vóru leiktir eydnaðist tað Hide Vitalucci at skjóta einasta málið hjá Chojniczanka til støðuna 1-4.

Chojniczanka datt niður á sætta plássið, har teir hava 48 stig. Nú hava teir fimm stig upp til Kotwica á øðrum plássinum, so nú sær svart út við beinleiðis uppflyting hjá Chojniczanka.

Chojniczanka er bert eitt stig omanfyri Polonia Bytom, ið hevur 47 stig á sjeynda plássinum. Tí var tað eyka óheppið, at Chojniczanka tapti fyri júst Polonia Bytom í dag.

Komandi leygardag klokkan 11.45 hevur Chojniczanka torføran útidyst móti oddaliðnum, Pogon Siedlce, ið er fremst í deildini við 55 stigum.

Eftir tað hevur Chojniczanka ein heimadyst eftir móti Olimpia Elblag, um ikki Chojniczanka endar millum liðini, ið eru nummar trý til seks. Eydnast tað skal Chojniczanka spæla um uppflyting til næstbestu deildina.