Dánjal Ragnarsson og Janus Dam Djurhuus eru íslandsmeistarar í hondbólti 2023.
Í kvøld leikti liðið hjá Dánjali og Janusi, ÍBV fimtu meistaraskapsfinaluna móti Haukum.
ÍBV vann dystin 25-23 aftaná at hava verið á odda 11-10 í hálvleikinum.
Tá 10 minuttir vóru eftir var ÍBV á odda 22-17. Løtu seinni var støðan 22-20, men tað eydnaðist ÍBV at halda leiðsluna restina av dystinum.
ÍBV vann sostatt finaluuppgerðina samlað 3-2.
Sambært Morgunblaðnum er ein garvill feiring av meistaraheitinum í gongd úti í Heimey.
Janus skoraði eitt mál fyri ÍBV í kvøld.
Miðlahúsið ynskir Dánjal og Janus hjartaliga tillukju við meistaraheitinum.
