Mikudagin spælir danska hondbóltslandsliðið hjá monnum í fjórðingsfinalu í OL ósigraðir.
Í kvøld vunnu leikararnir hjá Nikolaj Jacobsen, landsliðsvenjara, eisini fimta dystin og tryggjaðu sær fyrsta plássið í fyrsta bólkaspælinum, tá teir vunnu 32-25 á Noreg í norðurlendskum tvídysti við høgum tempo.
Fyrsta plássið í bólki B merkir, at Danmark skal møta einum enn ókendum nummar fýra úr bólki A í áttandapartsfinaluni.
Simon Pytlick gjørdist toppskjútti hjá Danmark við níggju málum.
Málini heglaðu inn aftan fyri norska málverjan frá byrjan. Hevði annars so máltryggi Mathias Gidsel ikki misnýtt nakrar fríleyparar, hevði Danmark helst vunnið enn meira.
Eitt norskt timeout eftir eitt korter hjálpti ikki nógv. Tá klokkan var farin uppá 20 minuttir, førdu donsku favorittarnir 13-8 í einum sannførandi fyrra hálvleiki við góðum mótspæli og ymiskum álopsskipanum.
##med2##
##med3##
Verjan stóð føst framman fyri Emil Nielsen, sum eisini stóð seg væl og fekk takksamar tummil upp fyri sínar bjargingar frá málmansfelaganum Niklas Landin á síðulinjuni.
Leiðslan var upp í sjey mál undan steðginum, og tað einasta, sum helst kundi hótta sigurin, vóru danir sjálvir.
Áðrenn seinastu 30 minuttirnar var leiðslan minkað niður í 17-12, og ein sterkt spælandi Rasmus Lauge hevði haltað av vøllinum eftir tvídyst, har hann fekk ilt í fótin.
Lauge var tó á vøllinum frá byrjan av seinna hálvleiki, har danir hildu fast við skjóttgangandi, uppfinnsama álopsspælið.
##med4##
##med5##
Tann trygga leiðslan gjørdi, at tað bar til at stýra sigrinum heim í seinna hálvleiki, men leikararnir tóktust als ikki nøgdir og jagstraðu støðugt næsta málið.
26-19 var leiðslan, tá eitt korter var eftir, og sjálvt um danir høvdu ráð at steðga á, so hendi tað ikki.
Stóri profilurin hjá Noregi, Sander Sagosen, sást ikki nógv til. Hann skoraði bert tvey mál í øllum dystinum.
##med6##
##med7##
##med8##
Eftir fimm innleiðandi bólkadystir í París fara hondbóltsliðini norður til Lille, har fjórðingsfinalurnar verða spældar. Danmark spælir týsdagin móti nummar fýra úr bólki A.
Danmark kann møta Svøríki, Spania ella Kroatia í fjórðingsfinaluni. Tað verður avgjørt seinni í kvøld.
Í møguligari hálvfinalu kunnu danir aftur hitta Noreg.
Fronsku vertirnar, sum Danmark vann í fyrsta dystinum, kunnu teir í fyrsta lagi møta í møguligari finalu.
/ritzau/
##med9##
##med10##
