Dimma má gjalda sum onnur

Vilmund Jacobsen

Tað sigur Christian Nag­a­ta, stjóri í Prentmiðstøðini í sam­bandi við, at Árni Greg­er­sen, stjóri á Dimmalætting bar hesi tíðindi í gjár.

Sambært stjóranum á Prent­mið­støð­ini pass­ar tað held­ur ikki, at Prent­mið­støð­in hevur uppsagt sam­starvs­avtalu við Dimmalætting.

– Dimmalætting er væl­kom­in at prenta á Prent­mið­s­tøð­in í dag. Men Dimma­lætt­ing má gjalda, eins og øll onnur bløð gera. Vit hava upp­sagt gjalds­treyt­ir­nar hjá Dimma­lætt­ing – ikki sam­star­v­ið við Dimma­lætt­ing, tí tey halda ikki gjalds­treyt­ir­nar, eins og øll onnur bløð gera. Tí má Dimma­lætt­ing í fram­tíð­ini gjalda kontant, sigur Christ­ian Nagata, sum vísir á, at Prent­mið­støð­in hevur roynt at verið við­spæl­ari, so Dimmalætting kom út til tíðina, sjálvt um tey ikki hava yvirhildið sínar treytir.

Stjórin á Prentmiðstøðini ger púra greitt, at øll bløð hava somu treytir og somu prís­ir á Prentmiðstøðini. Men tá eitt blað ikki betalir fyri sítt prent, so hongur tað ikki saman – og so má onkur ann­ar gjalda.

Spurdur er tað er rætt, sum Árni Gregersen sigur, at tað er meira enn dupult so dýrt at prenta í Føroyum sum í Dan­mark, sigur Christian Nagata, at tað hevur eingin prógv­að fyri sær.
– Eg kundi hugsað mær at sæð hesar prísir, og sæð, hvat sam­anborið verður við, sig­ur Christian Nagata, sum vís­ir á, at við í prentprísinum hjá Prent­mið­støðini er eisini út­beringin hjá Posta og aðr­ar tekniskar veitingar til Sos­i­alin og Dimmalætting.

– Problemið í Føroyum er, at tað er so lætt at fara til granna­lond har man brúkar yv­ir­skots­kap­as­i­tet at prenta smærri upp­løg, sum eitt blað til hvørt hús í Føroyum er eft­ir teirra mátistokki. Men tá tal­an er um smá bløð upp á t. d. 24 síður í 4.500 eintøkum, so ivast hann í, hvussu nógv dýr­ari tað er í Føroyum, tí her er sami prísur galdandi, tá tú prent­ar lítil bløð í smáum upp­løg­um, sum stór bløði í stó­r­um uppløgum. Prísurin er lut­fals­liga tann sami hjá Prent­smið­støð­ini fyri øll bløð­ini.

Øll bløðini, Gratisavísin, Trú­boð­in, Norðlýsið, Sosi­al­ur­in, Viku­Blað­ið og Dimma­lætt­ing gjalda øll sama prís. Men um bara tað smáa skal prent­ast í Føroyum, so verður sjálv­andi tað dýrari eisini, sig­ur Christian Nagata.

Trupulleikin hjá Dimma­lætt­ing er í stuttum, at tey ikki hava goldið forfalnu krøv­ini. Treytirnar eru ikki broyttar, og eingin sam­starvs­av­tala er uppsøgd, sig­ur Christ­i­an Nagata, sum vís­ir á, at Dimma­lætt­ing sjálv hev­ur ásett allar prísir á Prent­mið­støð­ini, sum hava ver­ið teir somu í fleiri enn 12 ár.

Dimmalætting átti 66 pro­sent av Prentmiðstøðini til fyri tveimum áru síðani. Tá vóru stórar útbyggingar sett­ar í gongd. Ein útbygging í 10 tals millióna klassanum varð steðgað, men ein stór út­bygg­ing á Prentmiðstøðini varð framd fyri at kunna prenta VikuBlaðið, sum Dimma­lætt­ing hevði keypt. Men áðr­enn útbyggingin var lið­ugt, fóru bæði VikuBlaðið og Vinn­u­vit­an á heys­in og seinni Dimma­lætt­ing við.

Men prís­urin er enn sum áð­u­r tann, sum Dimmalætting og Sosialurin avtalaðu í ein­um prentsáttmála, sum er dag­fest­ur 26. juni 2000.