Dramatikkur í Italia

Tað var dramatikkur í Seria A í gjárkvøldið, tá Napoli vann 1-0 á arvafíggindanum úr Juventus. Málið kom ikki fyrr enn í yvirtíðini og tað var eftir, at Juventus stutt frammanundan fekk ein mál kolldømt.

Napoli kann tryggjað sær meistaraheitið í næstum, nú teir hava eina leiðslu upp á 17 stig. Tað eru 33 ár síðani seinasta meistaraheitið og spenningurin er til at fáa eyga á. Hóast liðið er langt fremst, so er einki so gott sum at vinna á Juventus fyri tey úr Napoli.

Tað vakti ans fyrr í hesum kappingarárinum, tá Juventus fekk frátikið 15 stig. Hetta fyri at hava selt og keypt spælarar, uppskrúvað virðið og bókført tað við tí endamáli, at fáa rokniskapin at hanga saman.

Juventus kærdi sína neyð og kærdi dómin. Nú hevur Juventus fingið stigini aftur og er á 3. plássi. Tað er nokk til Champions League fótbólt komandi kappingarár. Hetta hevur fingið ilt í feløgini, sum tað gongur útyvir. Í hesum førinum er tað AC Milan, sum nú endar á 5. plássi.