Hvat ger ein lívbjargari?
- Vit ansa eftir øllum tí sum fer fram í høllini. Og so vaska vit eisini í høllini og í umklæðingarrúmunum. Annars skulu vit taka lívbjargingarroyndina eina ferð um árið.
Hevur tú verið úti fyri at bjarga onkrum í hylinum?
- Ja, - einaferð bjargaði eg einari smágentu. Mamman svam aftur og fram í stóra hylinum, tá gentan brádliga fór úr barnahylinum og leyp í tann stóra hylin. Hon leyp útí, og tá fóru armringarnir av, soleiðis at gentan fór beint á botn. Eg sá at tað fór at enda galið beinanvegin, tá ið hon leyp, og fekk bjargað henni.
Er tað ikki ringt at halda eyga við øllum tí sum fer fram í hylunum?
- Vit eru tvey fólk úti í høllini samstundis, so vit supplera hvønn annan. Tey sum svimja kunnu tí føla seg trygg allatíðina.
Tá tú ikki ert til arbeiðis hvat gert tú so?
- Tá eri eg saman við vinfólkum og gangi túrar. Annars svimji eg eitt sindur.
Hvørjum vilt tú heilsa?
- Eg vil fegin heilsa familju og vinfólkum.
