Hjá løgregluni hevur hetta verið ein rímiliga friðarlig nátt.
Onkur var vorðin ov fullur í býnum og dugdi sær ikki hógv millum onnur.
- Soleiðis hava vit ein persón á støðini í nátt, sum svevur rúsin av sær og verður skuldsettur fyri brot á skilhaldsreglurnar.
Løgreglan hevur vitjað nøkur skeinkistøð í nátt - eisini í Suðuroy, men her vísti alt seg at vera í lagi.
- Vit hava eisini verið úti í ferðsluni, har bilførarar eru steðgaðir og kannaðir fyri møguliga rúsdrekka-og narkokoyring.
Vaktleiðarin visti í morgun at siga, at hvørki á skeinkistøðum ella úti í ferðsluni eru nøkur mál skrivað í nátt.
