Tað eydnaðist ikki ríkis- og stjórnarleiðarunum at semjast um, hvør skal taka við sum uttanrtíkiskommiserur, og hvør skal fáa starvið sum ES-forseti.
Tí hava danir heldur ikki fingið svar uppá, um teirra forsætisráðharri, Helle Thorning-Schmidt, skal til Bruxelles í heyst ella ikki. Hon er fleiri ferðir nevnd sum eitt gott boðhupp á starvið sum ES-forseti, men líka ofta hevur hon avsannað, at hon er evni til starvið.
Tann 47 ára gamli forsætisráðharrin er heldur ikki tann einasti politikarin, sum verður nevndur í Bruxelles í hesum døgum sum møguligur ES-forseti. Onnur, sum verða umrødd, eru Enrico Letta úr Italia, Enda Kenny úr Írlandi, Jyrki Katainen úr Finnlandi og Valdis Dombrovski úr Letlandi.
Tað einasta leiðarastarvið, sum er komið upp á pláss, er formansstarvið í ES-nevndini, sum fór til luksenburgaran Jean-Claude Juncker.
