Fyri fyrstu ferð síðani í fjør heyst er Elias Ellefsen á Skipagøtu við í dysti hjá Sävehof í bestu svensku hondbóltsdeildini.
Elias hevur verið uttanfyri við drúgvari skaðafráveru.
Sävehof spælir á útivølli móti fyrrverandi liðnum hjá Kjartani Johansen, Önnered.
Hetta eru sera góð tíðindi fyri bæði fjepparar hjá Sävehof, og fyri fjepparar hjá føroyska hondbóltslandsliðnum nú tveir EM-undankappingardystir móti Rumenia skulu leikast í komandi viku.
Óli Mittún er eisini við í hópinum hjá Sävehof í kvøld.