ES er komin til semju við Pfizer/BioNTech um at fáa framskundað veitingina av tíggju milliónum afturat av koppingarskamtum frá feløgunum í øðrum ársfjórðingi.
Tað skrivar forkvinnan í ES nevndini, ursula von der Leyen, á Twitter.
Tað merkir, at tað nú verður roknað við at tað verða veittar 200 milliónir skamtir í apríl, mai og juni. Tað krevjast tveir skamtar av koppingarevni fyri at verða liðugt koppsettur.
– Tað gevur limalondunum rásarúm og fer helst at fylla holini í veitingum, skrivar forkvinnan á Twitter.
Skamtarnir koma frá teirri optiónini upp á enn 100 milliónir skamtar, sum varð avtalað í øðrum sáttmála við Pfizer/BioNTech.
Roknað var við í triðja ella fjórða ársfjárðini av 2021, men nú er hetta framskundað. Uppskotið er tó enn ikki góðkent.
Tað framgongu ikki, hvussu hesir eyka skamtar skulu býtast millum londini.
Koppingarevnið frá Pfizer/BioNTech var tað fyrsta, sum varð tikið í nýtslu í ES. Fyrstu koppsetingarnar vóru í Føroyum beint fyri nýggjár.
Higartil hava 4988 føroyingar fingið fyrr prikið, meðan 3979 hava fingið tað seinna. Tað merkir, at 9,4 prosent hava fingið fyrra prikið og 7,5 prosent tað seinna.
Síðani var koppingarevni frá Moderna og AstraZenica góðkent. Nýtslan av tí seinna er síðani sett á pausu næstu tíðina.
Tað er tí, at kannað verður, um tað er samanhang millum tilburðir við blóðtøppum hjá fólki, sum eru koppsett. Tað er tóð einki, sum higartikl hevur bent á tað sæmbært Evropiska Heiligvágsráðnum EMA.
Fyri kortin var eisini koppingarevni frá Johnson & Johnson góðkent. Tað er tó enn ikki tikið í nýtslu her hjá okkum. Fyrstu skamtarnir væntast til Danmarkar í apríl.
/ritzau/
