Um vikuskiftið rakar Exit Føroyar fepurin eisini Aarhus, og leygardagin bjóðar Føroyingafelagið í býnum øllum føroyingum til Exit Føroyar - kvøld.
Har fara Høgni Reistrup, ein av ritstjórunum handan ritsavnið Exit Føroyar, og Erika Hayfield, forkvinna í arbeiðsbólkinum handan heildarætlanina Fólkaflyting og fólkavøkstur hjá Vinnumálaráðnum, at greiða frá avbjóðingunum og trupulleikunum, ið tað føroyska samfelagið stendur yvir fyri, og hvør loysnin kann vera.
Exit Føroyar tiltakið í Aarhus leygardagin byrjar kl.19, og verður í Trøjborg Beboerhus, ið er á Tordenskjoldsgade 31.
