Tíðindaskriv:
Næmingar og starvsfólk hava arbeitt av kraft fyri, at vitjandi skulu hava ymiskt at hyggja at og lurta eftir.
Henda dagin, 23. apríl, verður ein “rullandi skrá” í Skúlahøllini við sangi, dansi, tónleiki og framførslum. At skráin er rullandi merkir, at náddi tú ikki kl. 9.45 so nært tú kanska kl. 11.30. Sí niðanfyri!
Úti í lonunum, A, D og E, verða framsýningar av alskyns forvitnisligum slag, har allir næmingar skúlans hava arbeitt við at lýsa ymsu tíðarskeiðini í søgu skúlans; 1974 til 2025.
NámX hevur eisini opnar breytir henda dagin, so øll vitjandi fáa innlit í alt tað kreativa og innovativa, ið næmingarnir fáast vit.
Vit bjóða sjálvandi kaffi, saft og søtt. So verið hjartaliga væl komin øll; foreldur, ommur og abbar, fyrrverandi næmingar og starvsfólk og øll onnur áhugað – eingin ov ungur ella ov gamal –
Vit gleða okkum.
Skráin: 23.04.2025 – frá kl. 09.45
- 9.45 morgunsangur - almennur, har øll eru væl komin at vera við.
• Kl. 10.00 – Nýggja endurtulkaða búmerkið hjá skúlanum verður avdúkað
• Kl. 10.15 – Grunddeildin framførir
• Kl. 10.40 – miðdeildin framførir
• Kl. 10.55 – Dansibreytin í NámX framførir
• Kl. 11.10 – Mótaframsýning – hádeildin vísir 90´ini og 00´ini
• Kl. 11.20 – Tónleikabreytin í NámX framførir
...og so rulla vit umaftur
• Kl. 11.35 – Grunddeildin framførir
• Kl. 11.55 – miðdeildin framførir
• Kl. 12.10 – Dansibreytin í NámX
• Kl. 12.15 – Mótaframsýning – hádeildin vísir 90´ini og 00´ini
• Kl. 12.30 – Tónleikabreytin í NámX framførir
...og so rulla vit enn einaferð (Tey yngstu verða ikki við í triðja rulli)
• Kl. 13.50 – Dansibreytin í NámX
• Kl. 14.05 – Mótaframsýning – hádeildin vísir fram
• Kl. 14.20 – Tónleikabreytin í NámX framførir
