2. jóladag kl. 16 lokala tíð sendir danska P1 jólagudstænastuna í Samuelskirkjuni í Keypmananhavn. Fyrstu ferð Danmarks Radio sendi føroyska jólaguðstænastu var hin 26. december í 1938 ? tá var tað úr Christiansborg Slotskirkju, har Gudmund Bruun próstur prædikaði. Síðani hevur DR sent føroyska jólagudstænastu úr teimum kirkjunum har føroyska kirkjuliðið hevur hildið til - seinastu 39 árini úr Samuelskirkjuni.
Umframt føstu kórsangarnar til føroysku gudstænastunar luttekur Húsakórið, stjórnað av organistinum Leif Hansen. Leif Hansen hevur verið fastur avloysari til donsku og føroysku gudstænastunar í Samuelskirkjuni síðani 1. januar 2003, og fastur organistur síðani 1. januar 2009.
Leif Hansen flytur til Fuglafjarðar í januar saman við konuni Annu Mettu Klemmensen, sum tekur við prestastarvinum har nýggjársdag. Helgi Breiner Petersen tekur við aftaná Leif Hansen. Helgi B Petersen er í fulltíðarstarvi sum organistur í Frederiksssund kirkju, og hevur áður verið organistur í Fuglafjarðar kirkju.
Sjálv gudstænasta er, sum vænt, 2. jóladag kl. 14, og aftaná gudstænastuna bjóðar kirkjuliðið til ein drekkamunn í kryptini. Í Føroyum og í grannalondunum hoyrist gudstænastan á DR/P1/Gudstjenester.
