Ung kvinna úr Vági skal krydda sjónvarpsrøðina Paradise Hotel, har mangt og hvat kann henda
Paradise Hotel er væl umtókt sjónvarpsrøð á donsku rásini TV3. Sendingin snýr seg um, at ung fólk verða send á eitt marglætishotell at búgva í eina tíð, meðan upptøkutólini fylgja tí, ið hendir har. Og har kann sanniliga mangt og hvat henda.
TV3 er júst farið undir nýggja røð av Paradise Hotel, og hesaferð skal ein ung kvinna úr Vági seta dám á sendingina.
Connie Brockie er 21 ára gomul, og hon kemur við í Paradise Hotel sum óvæntaður gestur í næstum.
Í Sosialinum í morgin verður samrøða við Connie Brockie um luttøkuna í Paradise Hotel.
