Í samband við, at Gjógv varð nominerað til náttúru- og umhvørvisvirðisløn Norðurlandaráðsins, var hugnaløta fyri bygdarfólkunum í bygdarhúsinum við Gjógv mánakvøldið.
Thordis Dahl Hansen, forkvinna í trivnaðarnevndini í Sunda kommunu, greiddi frá tilgongdini og túrinum yviri í Stokhólmi. Eisini vórðu myndir og filmsbrot víst á stórskíggja.
Til seinast á hugnaløtuni handaði Heðin Zachariasen, borgarstjóri í Sunda kommunu, bygdarfólkunum eina gávu.
- 82 ára gamla Ebba Joensen tók í móti gávuni, sum var ein mynd tikin í summar av teimum fastbúgvandi gjáarfólkunum.
Tað veit Sunda kommuna at siga, og lagt verður aftrat, at tað er Ásfinn Sigvardsen, sum hevur tikið myndina. |
