Samstarvið millum Samvit og føroysku ferðavinnuna kundi verið betur. Tað sigur Ferðavinnufelagið, sum framyvir fer at hjálpa Uttanríkisráðnum við menningini av ferðavinnuni Ferðavinnufelagið skal hjálpa Uttanríkisráðnum at menna føroyska ferðavinnu.
Í tíðindaskrivi frá Ferðavinnufelagnum í dag stendur, at í tí stóra heila hevur ein heildar- og langtíðarætlan fyri menning av føroyskari ferðavinnu, og eitt nú marknaðarføring uttanlanda, manglað í nógv ár. Tá ið landstýrismaðurin í Uttanríkismálum avgjørdi at leggja Samvit undir Uttanríkisráðið, var Ferðavinnufelagið á fundi við umboð frá Uttanríkisráðnum. Á fundinum kom fram, at Uttanríkisráðið fór at taka Ferðavinnufelagið uppá ráð um hvussu føroysk ferðavinna skal mennast nú og í framtíðini.
Fyri Ferðavinnufelagið er tað avgerandi, at fáa ein greiðan politik um hvussu vinnan og almennir myndugleikar best kunnu tryggja vøkstur í ferðavinnuni, soleiðis at ferðavinnan verður eitt enn størri ískoyti til føroyska búskapin.
