Tað sær gott út hjá Gunnari Nielsen, Kaj Leo í Bartalsstovu í meistarastríðnum í pepsideildini í Íslandi. Nú bert fimm umfør eru eftir av kappingini sær stigatalvan soleiðis út :
| 1 | FH | 17 | 11 | 4 | 2 | 26:11 | 37 |
| 2 | Breiðablik | 17 | 9 | 3 | 5 | 22:14 | 30 |
| 3 | Valur | 17 | 8 | 4 | 5 | 36:18 | 28 |
| 4 | Fjölnir | 17 | 8 | 4 | 5 | 33:20 | 28 |
| 5 | ÍA | 17 | 9 | 1 | 7 | 25:25 | 28 |
| 6 | Stjarnan | 17 | 8 | 3 | 6 | 31:25 | 27 |
| 7 | Víkingur Reykjavík | 17 | 7 | 3 | 7 | 22:26 | 24 |
| 8 | KR | 17 | 6 | 5 | 6 | 19:18 | 23 |
| 9 | Víkingur Ólafsfjørður | 17 | 5 | 4 | 8 | 19:29 | 19 |
| 10 | ÍBV | 17 | 5 | 3 | 9 | 16:21 | 18 |
| 11 | Fylkir | 17 | 3 | 5 | 9 | 17:29 | 14 |
| 12 | Þróttur Reykjavík | 17 | 2 | 3 | 12 | 12:42 | 9 |
FH hevur komandi fimm umførini hesar dystirnar eftir: Breiðablik (H), Fylkir (Ú), Valur (H), Víkingur Reykjavík (Ú) og ÍBV (H). Tað er ein risastórur fyrimunur hjá FH at hava Breiðablik og Val á heimavølli á Kaplakrika leikvøllinum á Hafnarfjørðinum. Um FH vinnur heimadystin ímóti Breiðablik 11. september kann tað verða líkamikið hvussu tað gongur hjá Vali ímóti Stjarnuni, hjá Fjølnir ímóti Víkingi Reykjavík, ella hjá ÍA ímóti Þrótti, tí vinnur FH á Breiðablik, so eru Gunnar Nielsen, Kaj Leo í Bartalsstovu og liðfelagarnir í FH minst níggju stig á odda, og tá koma bara at verða fýra umfør eftir. 15. september verður føroyingauppgerð millum botnliðið, Fylkir við Sonna Ragnari Nattestad á liðnum og FH. Um FH tá hevur vunnið á Breiðablik, og úrslitini laga seg 15. september, so kann FH endurvinna íslendska meistaraheitið hetta kvøldið.
