Ætlanin at byggja tjóðleikhús er komin eitt stig longri á leiðini, nú Mentamálaráðið og Landsverk hava bjóðað til arkitektakapping at gera uppskot til eitt nýtt tjóðleikhús á Eystara Bryggju í Havn.
Eitt tjóðleikhús hevur stóran mentanarligan týdning fyri okkara samfelag og skal vera á høgum byggilistarligum støði, og bjóða bestu karmar fyri leik- og pallist á hægsta stigi, sigur Mentamálaráðið
Uppskotini skulu vera inni 25. august í ár og miðað verður ímóti at vera liðug við dømingina 5. sep. 2022.
Arkitektarnir, sum eru góðkendir at vera við í kappingini, eru
- Kontrast
- Henning Larsen North Atlantic
- MAP Arkitektar
- SNA
- Zeta Arkitektar/Brim Arkitektar
