Hetta er eitt skeið sum byrjar mikukvøldið 4. juni og har dentur verður lagdur á at geva luttakarunum eitt heildaryvirlit yvir gudfrøðilig evni og sannleikar í brævinum sum er skrivað fyri 1950 árum síðani.
Skeiðið er skipa undir Dunamis-bíbliuskúlanum, sum síðani stovnanina í 2003 hevur skipað fyri fleiri skeiðum.
Ætlanin er at skipa fyri øðrum skeiðum í heyst, millum annað eitt í kirkjusøgu.
Undirvísingin fer fram í samkomubygninginum hjá Filadelfia við Landavegin í Havn.
