Neistin og Team Klaksvík møttust í bólki 1 í Faxe Kondi steypakappingini í stórhøllini á Hálsi. Neistin vann trygt 30-22, og var á odda 14-11 í steðginum. Eitt skiftið í fyrra hálvleiki var Team Klaksvík tó á odda 8-3.
Leikandi venjarin hjá Team Klaksvík, Finnur Hansson sum skoraði eitt mál í dystinum var sera vónsvikin aftaná dystin, ikki minst aftaná góðu byrjanina har Team Klaksvík var á odda 8-3.
Fyrstu løtuna hildu spælararnir hjá Team Klaksvík avtalurnar, men so mistu teir alt á gólvið: - Vit vístu ikki karakter, staðfestir Finnur Hansson.
TRÝST á PÍLIN undir MYNDINI, og hoyr samrøðuna Hilmar Jan Hansen hevði beinleiðis á Rás2 við Finn Hansson aftaná 22-30 tapið hjá Team Klaksvík ímóti Neistanum.
Bólkur 1 – menn
| Nummar | Lið | Dystir | V.m. | T.m. | Munur | Stig |
| 1 | Neistin | 1 | 30 | 22 | 8 | 2 |
| 2 | H71 2 | 0 | 0 | 0 | 0 | 0 |
| 3 | Kyndil | 0 | 0 | 0 | 0 | 0 |
| 4 | Team Klaksvík | 1 | 22 | 30 | -8 | 0 |
Leygardagin 20.01.18 kl. 18.00 Neistin – Team Klaksvík 30-22
Sunnudagin 21.01.18 kl. 16.00 Kyndil – H71 2
