Høvi er nú hjá einstaklingum, virkjum, feløgum og kommunum at søkja um stuðul til viðarvøkstur.
Tað sigur Fiskimálaráðið í dag.
Fiskimálaráðið umsitir nevniliga eina játtan á 250.000 krónur, og endamálið við hesi upphædd er at stuðla viðarvøkstri til tess at fríðka um lendi, skapa lívd og rekreativ øki, umframt at verja móti jarðarmáan.
- Umsóknir skulu skrivast á serligt umsóknarblað, og freistin at søkja um stuðul er hin 1. februar 2014, sigur Fiskimálaráðið.
