##med2##
Tað er málað við stórari Strandamáling: StÍF er fyri fyrstu ferð í søgu felagins undir navninum StÍF føroyameistari í kvinnuhondbólti. Í nítiárunum vunnu skálakvinnur og strandakvinnur FM sum lið hjá Skála.
StÍF vann samlaðu FM-finaluuppgerðina í SMS-deildini 3-1 á Neistanum. Neistakvinnur vunnu 2. FM-finaluna, men tá var stórskjúttin hjá StÍF, Haruka Gima ikki við.
4. FM-finalan: StÍF-Neistin 30-20 (16-11)
Toppskjúttar StÍF: Lív S. Poulsen 9, Haruka Gima 6, Poula Berg 4 og Guðrið Ellingsgaard 4.
Toppskjúttar Neistin: Ingun Kristina Persson 8, Stina Madsen 3, Fríða á Dunga 2 og Sára Mikkelsen 2.
Á ljóðfíluni omanfyri ber til at hoyra frá FM1:
1) Hoyr dystarendan á Skála ígjár. Sjúrður H. Hoydal segði frá og Teitur Joensen var viðmerkjari.
2) Hoyr samrøðurnar Sjúrður gjørdi við fegnar leikarar, venjara og onnur umboð fyri StÍF.
