##med2##
Hondbólts-Føroyar stórfegnast. Føroyska U19 manslandsliðið vann bólkafinaluna 31-28 (15-15) á Kekkia í B-EM kappingini í Bulgaria, og skal leygardagin spæla hálvfinalu móti Slovakia, ið eisini er eitt sera sterkt lið.
Føroyar – Kekkia 31-28 (15-15)
5 min. 3-0
10 min. 7-4
15 min. 12-7
20 min. 13-10
25 min. 13-12
30 min. 15-15
35 min. 18-19
40 min. 20-21
45 min. 24-22
50 min. 26-23
55 min. 29-24
60 min. 31-28
Málskjúttar hjá Føroyum:
Elias Ellefsen á Skipagøtu 13 (3)
Pauli Mittún 5
Janus Dam Djurhuus 4
Óli Mittún 3
Viktor Nørlyng Gaini 3
Bogi Hansen 2
Baldur Gillason 1
Á ljóðfíluni omanfyri ber til at hoyra eina samrøðu FM1 gjørdi við annan av føroysku venjarunum, Julian J. Johansen ein góðan tíma aftaná dystarlok.
Føroyska U19 manslandsliðið hevði trupuleikar miðskeiðis í dystinum tá kekkiski málverjin hevði nógvar bjargingar, men so var tað dagsins leikari, málverjin, Pauli Jacobsen sum traðkaði í karakter og bjargaði nógvum kekkiskum royndum.
Julian staðfestir, at Slovakia spældi javnleik móti Hvítarusslandi í dag, og tað verður eitt sera sterkt lið sum Føroyar møta í hálvfinaluni leygardagin, men hópurin fer at fyrireika seg væl til uppgávuna.
Liðini í hinum bólkinum hava spælt fleiri dystir, og vónar Julian, at slovakar møguliga vera tað troyttari enn okkara menn, men tað verður ein stór uppgáva óannsæð
