Føroya Ríðingarfelag hevði aðalfund herfyri.
Nýggja nevndin er mannað við Hans Vilhelm Lútzen, formanni og Bødvar Hjartvarsson, næstformanni. Hinir nevndarlimirnir eru Mortan Hansen, Tummas Rubbeksen og Brandur í Dali. Tiltakslimir eru Michel Nielsen og Martin T. Samuelsen.
Nevndin hevur nógv ymisk átøk fyri framman, eitt nú kappríðingar, Leynavatnstevnu og ikki at gloyma vælumtóktu Djóradagarnar, sum sjálvandi eru á skrá aftur í ár.
Á myndini eru, f.v.: Tummas Rubeksen, Bødvar Hjartvarsson, Martin Samuelsen, Mortan Hansen, Hans Vilhelm Lútzen og Brandur í Dali. Michel Nielsen vantar á myndini.
