Tað hevur higartil verið ein soltin úrtøka í Nations League hjá føroyska A-landsliðnum.
Okkara hava bert trý stig og eru aftast í bólki 4 í Nations League Deild C.
14. november og 17. november spæla okkara torførar útidystir móti Armenia og Norðurmakedonia, so tað verður tungt hoyggj at fáa fleiri stig.
Ein glotti er tó, at Føroyar í skrivandi stund eru besti fýrarin í Nations League C:
Innanhýsis roknskapurin millum Føroyar, Luksemborg, Litava og Aserbadjan sær í løtuni soleiðis út:
Megna okkara at fáa trý stig í útidystunum í Armenia og Norðurmakedonia átti plássið í Nations League B at verið bjargað. Enda vit sum næstbesti fýrarin skulu Føroyar spæla tveir dystir móti besta fýraranum í Nations League D. Enda Føroyar sum næstaftasti ella aftasti fýrarin flyta okkara niður í Nations League D, ið hevði verið eitt stórt prestisjutap.
Aserbadjan hevur heimadyst móti Estlandi 16. oktober, og útidyst móti Svøríki 19. oktober. Aserbadjan tapir sannlíkt fyri Svøríki, og tí er hjá okkum at vóna, at Estland vinnur ella spælir javnt móti Aserbadjan.
Litava spælir á útivølli móti Kýpros 15. november, og úti móti Kosovo 18. november.
Luksemborg møtir Bulgaria á heimavølli 15. november, og hava heimadyst móti Norðurírland 18. november, so teir hava besta møguleikan at gerast besti fýrarin, um okkara ikki fáa stig móti Armenia og Norðurmakedonia.
