Miðlahúsið, Kringvarpið og Norðurlandahúsið skipaðu leygarkvøldið í felag fyri stóra FMA tiltakinum, Faroese Music Avards.
Vit høvdu á sinni Prix Føroyar og vit høvdu Planet Awards. Men mangar hava røddirnar verið frammi um, at tað líkasum manglaði okkurt – okkurt veruligt.
Við flotta FMA tiltakinum leygarkvøldið er av álvara stig tikið rætta vegin. Kósin var beinanvegin sett og stílað var høgt. Eitt stórt tiltak í bestu kørmum, og fylgjast kundi við í loftmiðlum og á netinum. Og Norðurlandahúsið hevur røttu karmarnar, og leggur eisini upp til, at fólk koma væl ílatin. Og hóast talan ikki júst var um eitt sonevnt gallakvøld, so høvdu tey flestu hugsað seg eitt sindur um, innan tey fóru frá húsum.
Ljóðleysir ljóðmenn
Innstillaðu tónleikararnir og útgávurnar vóru býttir sundur í ymsar heitisbólkar, og ein vinnari skuldi so finnast millum tey innstillaðu nøvnini. Til bar senda sms og atkvøða á tann hátt, og ein dómsnevnd var eisini knýtt at hvørjum heitisbólki.
Skráin var drúgv, tí umframt mongu heiðurslønirnar í teimum ymsu heitisbólkunum, so vóru eisini tónleikaframførslur millum handanirnar.
Men væl var skipað fyri, tí tiltakið gekk sum eftir ánni, hóast talan var um nógv pallskift og nógv fólk, sum skuldu inn og út av pallinum.
Góða ljóð- og pallmanningin var líkasum ein náttúrligur partur av kvøldinum, og uttan hóvasták duga hesir – ljóðleyst, og uttan at ein av álvara varnast teir - at gera tað so, at alt er til reiðar og kann halda fram, so sum skráin ber boð um. Hetta var flott at síggja leygarkvøldið. Og vertirnir knýttu alt so væl saman, og onga løtu var talan um, at nakað kendist tungt ella at okkurt ikki riggaði, sum tað skuldi.
Og ein eigur ikki at gloyma tey, sum handaðu, tí tey vóru á palli, sum høvdu tey ikki gjørt annað.
Í alt eitt gott og flott tiltak, sum hevur tyngd, og sum avgjørt fyllir eitt hol í tónleikalandslagnum, ið hevur staðið gapandi tómt. Eitt savnandi tiltak, bæði so og so, tí her er eisini talan um, at stóru miðlarnir samstarva, og eisini fremsta mentanarstað í Føroyum. Fyrireikarar og luttakarar eiga takk fyri eitt framúr avrik.
Talan hevur verið um at gera ymsar broytingar til eitt komandi FMA. Hetta er gott á tann hátt, at so vita vit, at hetta ætlandi verður eitt afturvendandi tiltak, men eisini tí at óivað kann okkurt gerast øðrvísi. Men hinvegin skal ein ikki pilka ov nógv við okkurt, ið riggar.
FAKTA UM FMA
Fyriskiparar: Miðlahúsið, Kringvarp Føroya, Norðurlandahúsið.
Vertir: Barbara Holm og Eyðfinn Jensen
Arbeiðsbólkurin handan FMA: Sunleif Rasmussen (valdur av tónleikaumhvørvinum), Ólavur Larsen (valdur av tónleikaumhvørvinum), Eyðfinn Jensen (Kringvarp Føroya), Fróði Vestergaard (Norðurlandahúsið) og Barbara Holm (Miðlahúsið)
Samskipari: Rólant Waag Dam (valdur av arbeiðsbólkinum).
Dómsnevndir:
Popp-bólkurin:
Niels Uni Dam
Eyðfinn Jensen
Hergeir Eldevig
Guðrun Sólja Jacobsen
Elin Brimheim Heinesen
Rock/Málm, Jazz, Blues og Folk-bólkurin
Sólarn Solmunde
Ragnar A. Jacobsen
Jógvan Andrias Joensen
Jónleif Jensen
Theodor E. D. Olsen
Opin-bólkur:
Ivan Niclasen
Eyðun á Lakjuni
Pauli Hansen
Unn Patursson
Lív Næs
Ársins live bólkur/einstaklingur:
SMS-atkvøður burturav
Ársins tekstur:
Arnbjørn Ó. Dalsgaard, ritstjóri í Vencil
Oddfríður Marni Rasmussen, ritstjóri í Vencil
Ársins videolag:
Hans Petur Hansen, Kringvarp Føroya
Jan Berg Jørgensen, Klippfisk
Sámal Jákup Jakobsen, Føroysk Filmsfólk
Joel Cole, Føroya Listaháskúli og Faroese Academy of the Arts
Sigga Vang, Watch that Film!
Ársins húsi:
Niels Arge Galán, Felagið Samskiftið
Michael Koba, Felagið Samskiftið
Jan Berg Jørgensen, Felagið Samskiftið
Arbeiðsbólkurin:
Valdi Ársins framleiðara, Ársins nýggi bólkur/einstaklingur, Ársins átak og Ársins tónleikaheiður.
Stuðlar: Tórshavnar kommuna, Klaksvíkar kommuna, Mentamálaráðið, Vágs kommuna, Tvøroyrar kommuna, Poul Michelsen Heilsøla og Føroya Bjór
VINNARAR Á FMA
Rock/Málm, Jazz, Blues og Folk bólkur
Ársins sangari/einleikari:
Jón Aldará
Ársins bólkur/einstaklingur:
Týr
Ársins fløga:
Týr – Valkyrja
Ársins sangur:
Marius og Svavar Knútur – Tokan
Opin bólkur
Ársins einleikari/bólkur:
Kvartettin í Betesda
Ársins fløga:
Eivør – Skrímslið, lítla systir mín
Ársins lag/verk:
Eivør – Lurta nú
Popp bólkur
Ársins sangari:
Hallur Joensen
Ársins songkvinna:
Greta Svabo Bech
Ársins fløga:
Byrta – Byrta
Ársins sangur:
Døgg Nónsgjógv – Tú tók mína hond
Ársins bólkur/einstaklingur:
Byrta
Ársins nýggi bólkur/einstaklingur
Byrta
Ársins tekstur:
Jóanes Nielsen – Lívið er júst, sum tað er
Ársins framleiðari:
Baroli Music
Ársins átak:
Hoyma
Ársins tónleikaheiður:
Simme
Ársins videolag:
Greta Svabo Bech – Broken Bones
Ársins húsi:
Týr – Valkyrja
Ársins live bólkur/einstaklingur:
Swangah
Á pallinum framførdu hesi:
Jóannes Andreasen, Jens Marni Hansen, Marius, The Absent Silver King, Kári Sverrison, Hallur og Kristina, Kamarkórið, Leila av Reyni, Allan Tausen, Reduce to Ash, Lover Lover, Døgg Nónsgjógv, Cantabile og Hanus G. Johansen.
