Framsýning Fridu Zachariassen til heiðurs

Talan er um somu úr­vals­fram­sýning, sum var í summ­ar á Norðurbryggjuni i Keyp­mann­a­havn.
Frida var virkin lista­kvinna og tekning hevði hennara stóra áhuga heilt frá ung­um. Hon tók tekni- og mál­i­skeið í Danmark og ensk­an tekn­i­brævskúla. Frida fór ikki á Kun­st­aka­demi­ið, tí hon helt, at tað mundi verða tor­ført at liva av listini.
Frida Zachariasen gekk á hand­i­ls­skúla í Danmark og fekk skri­v­stov­u­útbúgving har. Men listin fylgdi alla tíð­ina við. Hon teknaði, mál­aði vatn­litsmyndir og olju­mál­ningar, sum lýstu ger­and­is­dagin og umhvørvið í Klaks­vík og aðrastaðni.
Frida var kend og vird list­a­kvinna í síni sam­tíð í øll­um norð­an­londum.
Frida he­v­ur mynd­prýtt bøk­ur og sjálv skriv­að bøkur t.d. Strev í mál­røkt og Brún og brá.
Tá ið framsýningin letur upp verð­ur tón­leikur á skránni, Malan Marnersdóttir held­ur fyr­i­list­ur um listina hjá Fridu, og Karin Jacobsen greið­ir frá, hvussu hon minn­ist Fridu Zachariassen, sum hon var skyld við og hevði nógv samskifti við.
Listaframsýningin við verk­um eftir Fridu Zac­h­ar­i­as­sen letur upp í Skúlanum við Ósánna leygardagin 15. sept. 2012 kl. 15. og er eisini op­in sunnudagin 16. sept. 2012.
Dávur Winther