Skiftirætturin hevur í dag staðfest tvangsakkord-skipanina, sum skal bjarga danska 1. deildarfelagnum Frem burtur úr fíggjarligu trupulleikunum.
Seinastu árini hava verið tung hjá Frem, sum í hesum kappingarárinum hevur fingið 6 stig frátikin orsaka av fíggjarligu støðuni.
- Vit takka teimum mongu kreditorunum, sum hava játtað at verið við í eini akkord-skipan, og harvið hava gjørt tað møguligt hjá Frem at halda fram við yrkisfótbólti, sigur stjórin í Frem, Hans Hermansen, við heimasíðuna hjá felagnum.
Frem liggur tungt í sjónum. Liðið er bert tey stig omanfyri niðurflytingarstrikuna í 1. deild.
