Í dýrdarveðrinum í kvøld er fult umfar í næstbestu fótbóltsdeildini. Ivaleyst mest áhugaverda uppgerðin í kvøld er á Sevmýri, har TB hevur vitjan av VB/Sumba. Hesi bæði liðini eru oddalið við 12 stigum.
TB, sum hevur spælt ein dyst meiri enn VB/Sumba, tapti leygardagin 1-0 í Leirvík ímóti Víkingi. VB/Sumba hevur fult stigatal eftir fýra dystir.
Hini bæði feløgini, sum kunnu flyta upp, eru AB og 07 Vestur. Felags fyri tey bæði er, at tey spæla á heimavølli í kvøld. Eftir 1-0 tapið í Vági leygardagin er AB stórfavorittur ímóti næstbesta liðnum hjá NSÍ, sum framvegis einki stig hevur vunnið, og hóast Víkingur leygardagin vann á heimavølli ímóti TB, so er 07 Vestur favorittur í Sørvági ímóti Víkingi.
HB, sum er komið væl frá fyrstu umførunum, vitjar B68, sum leygardagin vann fyrstu stigini við útivallarsigri á NSÍ, og EB/Streymur hevur í Streymnesi vitjan av KÍ, sum hevur vunnið tvær tær seinastu ferðirnar.
Skráin í kvøld:
AB-NSÍ: Georg Rasmussen kl. 18.00
TB-VB/Sumba: Birgir Sondum kl. 18.30
07 Vestur-Víkingur: Lars Múller kl. 19.00
B68-HB: Rói Jacobsen kl. 18.30
EB/Streymur-KÍ: Petur Reinert kl. 18.00 (seinkaður)
Støðan
TB, 07 Vestur og VB/Sumba 12 stig
HB og Víkingur 7 stig
AB og KÍ 6 stig
B68 og EB/Streymur 3 stig
NSÍ 0 stig
