BP er givið við teirri fyrstu royndini at tetta oljulekan niðri á botni í Meksikoflógvanum. Royndin at seta eitt stórt og tungt lok niður yvir lekan miseydnaðist. Ein talsmaður fyri BP sigur, at felagið hevur tó ikki mist vónina um at tetta lekan á hendan hátt, men tann næsta royndin verður ikki fyrr enn um tveir dagar, tí útgerðin er so tung at fáast við, sigur hann.
Serfrøðingar siga, at eydnast tað ikki at tetta oljulekan við lokinum, verður tað sera torført at steðga lekanum. Fleiri halda, at lokið er tann einasta loysnin.
