– Vit fegnast um, at tað nú er loyvt at bryggja sterkt í Føroyum, og er hettar tann fyrsta sterka ølin, ið vit nú hava bryggjað, verður sagt av Føroya Bjór.
Tað verður vanliga sagt um tvey ára gamlar veðrar, at hann er tvævetur. Um trý ára gamlar veðrar, siga vit, at hann er trævetur. Haðani stavar heitið á nýggju ølini.
Trævetur, ella Tripple Ram, sum enska heitið er, borgar fyri góðsku, og er tað bjór, ið kann lagrast í longri tíð. Smakkurin er »vinøsur og komplekstur«, siga tey av Føroyar Bjór.
– Hetta er ein øl, sum veruliga stútar og hevur stoltleika, verður sagt frá Føroya Bjór.
Hóast tað nú er loyvt at bryggja sterk í Føroyum, heimilar lógin ikki at selja sterkt føroyskt øl fyrr enn 1. apríl 2012. Tí verður ølin Trævetur bara útflutt næstu mánaðirnar.
Trævetur, ella Trippe Ram, verður tappað um ein mánað.
